Ağ Evin mətbuat katibi Kerolin Levitt ikinci hamiləliyini İnstaqramda elan etdi. Fox News-un məlumatına görə, o, ABŞ tarixində hamilə ikən bu vəzifədə çalışan ilk qadın olacaq.
Levitt qeyd edib ki, o və əri, daşınmaz əmlak inşaatçısı Nikolas Riççio 2026-cı ilin may ayında qız övladı gözləyirlər. Cütlük artıq 2024-cü ildə dünyaya gələn bir oğul böyüdür.
Levitt sosial mediada yazıb ki, ailə yeni övladlarının gəlişini səbirsizliklə gözləyir. “İstəyə biləcəyimiz ən böyük Milad hədiyyəsi 2026-cı ilin may ayında dünyaya gələcək qız uşağıdır”.
O, həmçinin administrasiyadakı “ailə dostu atmosferə” görə ABŞ Prezidenti Donald Trampa və Ağ Evin Aparat rəhbəri Syuzi Uaylsa təşəkkür edib.