2023-cü il, noyabrın 26-da həbs edilən və 2025-ci il, fevralın 26-da Səbail Rayon Məhkəməsinin qərarı ilə 2 il müddətə azadlıqdan məhrum edilən “Kanal-13” internet televiziyasının rəhbəri Əziz Orucov bu gün cəza müddəti başa çatdığına görə azadlığa buraxılıb.
O, Cinayət Məcəlləsinin 188.2-ci (Qanunla müəyyən edilmiş mülkiyyət, istifadə və ya icarə hüququ olmadan torpaq sahəsi üzərində özbaşına tikinti) maddəsi ilə ittiham edilmişdi. Jurnalist bütün ittihamları rədd edirək jurnalist fəaliyyətinə görə həbs edildiyini bildirirdi.
2022-2025-ci illərdə jurnalistlərə və vətəndaş cəmiyyəti üzvlərinə qarşı aparılan həbslər dalğası nəticəsində hələ də 50-yə yaxın şəxs həbsdədir. (Arqument.az)