Ukrayna Prezidenti Vladimir Zelenski müharibənin bitməsi şərtləri ilə bağlı ABŞ-Ukrayna razılaşmasını yekunlaşdırmaq üçün Prezident Trampla mümkün qədər tez, hətta Şükranlıq bayramı zamanı görüşmək istəyir.
Bu sözləri Ukrayna Prezident Ofisinin rəhbəri Andrey Yermak “Axios”a bildirib.
O deyib ki, Zelenski ərazi güzəştləri məsələsində Trampın özü ilə danışıqlar aparmaq istəyir.
“Ümid edirəm ki, Prezident Zelenskinin səfəri mümkün qədər tez baş tutacaq, çünki bu, Prezident Trampa bu müharibəyə son qoymaq üçün tarixi missiyasını davam etdirməyə kömək edəcək”, – deyə Andrey Yermak əlavə edib.
O, görüşün bayram ərəfəsində keçirilməsinin simvolik məna daşıya biləcəyini qeyd edib..