V. Zelenski ABŞ-ın “sülh planı” ilə bağlı video mesajla ukraynalılara müraciət etdi. Dərc edək, bu vacib an bu çıxışdan çox şey aydın ola bilir. Həm Zelenskinin xalqla olan səmimiyyəti, həm hazırdakı prosesin gedişatı. Çıxışın tam mətni.(Oxuyursan, sanki bir, ağrılı qəlbin hekayəsidir).
Əziz Ukraynalılar!
Hər bir millətin həyatında elə bir dövr gəlir ki, hər kəs danışmalıdır. Dürüstcəsinə. Sakitcə. Fərziyyələr, şayiələr, dedi-qodular olmadan, lazımsız heç nə olmadan. Eləcə, olduğu kimi. Həmişə sizinlə danışmağa çalışdığım şəkildə.
İndi tariximizin ən çətin anlarından biridir. Ukraynaya təzyiqli ağır anlardan biridir. İndi Ukrayna çox çətin bir seçimlə üzləşə bilər. Ya ləyaqətinin itirilməsi, ya da ki, əsas tərəfdaşını itirmək riski. Ya çətin 28 müddəa, ya da son dərəcə çətin bir qış və daha da çox risklər. Azadlıqsız, ləyaqətsiz, ədalətsiz həyat. Və artıq ikinci dəfə hücum edənə etibar etməmiz üçün.
Onlar bizdən cavab gözləyəcəklər. Əslində, mən andı 20 may 2019-cu ildə içmişdim, Ukraynaya sədaqət andı içərkən qismən demişdim: “Mən, xalqın iradəsi ilə Ukraynanın seçilmiş prezidenti V. Zelenski, bütün hərəkətlərimdə Ukraynanın suverenliyini və müstəqilliyini müdafiə etməyə, vətəndaşların hüquq və azadlıqlarını qorumağa, Ukraynanın Konstitusiyasına və qanunlarına əməl etməyə, bütün həmvətənlərimin mənafeyi naminə vəzifələrimi yerinə yetirib, Ukraynanın dünyada nüfuzunu yüksəltməyə söz verirəm”.
Mənim üçün bu, qeyd-şərtsiz bir rəsmiyyət deyil – bu, bir anddır. Və mən hər gün bu andın hər sözünə sadiq qalıram. Və heç vaxt ona xəyanət etməyəcəyəm. Ukraynanın milli maraqları tam nəzərə alınmalıdır.
Biz möhtəşəm bəyanatlar vermirik; biz Amerika və bütün tərəfdaşlarımızla sakitcə işləyəcəyik. Bu, əsas tərəfdaşımızla konstruktiv həll yolları axtaracağıq.
Mən arqumentlər təqdim edib, inandıracağam, alternativlər təklif edəcəyəm, amma düşmənə Ukraynanın sülh istəmədiyini, prosesi pozan Ukrayna olduğunu və Ukraynanın diplomatiyaya hazır olmadığını göstərmək üçün heç bir səbəb verməyəcəyəm. Bu baş verməyəcək.
Ukrayna sürətlə işləyəcək. Bu gün, şənbə-bazar günləri, bütün gələn həftə, lazım olduğu qədər. Məlum plandakı ən azı iki məqamın nəzərdən qaçmamasını təmin etmək üçün 24/7 mübarizə aparacağam: ukraynalıların ləyaqəti və azadlığı. Çünki bu, suverenliyimizin, müstəqilliyimizin, torpağımızın, xalqımızın, Ukrayna gələcəyinin təməlidir.
Bunun müharibəyə son qoyması və Ukraynanın, Avropanın və qlobal sülhün sonunun qarşısını alması üçün əlimizdən gələni edəcək, etməliyik.
Mən indi avropalılarla danışdım. Biz Rusiyanın uzaqda olmadığını, Avropa Birliyi sərhədlərində olduğunu, Ukraynanın indi rahat Avropa həyatını Putinin planlarından ayıran yeganə sipər-sədd olduğunu aydın şəkildə başa düşən avropalı dostlarımıza güvənirik. Biz xatırlayırıq: Avropa bizimlə idi. Biz inanırıq: Avropa bizimlə olacaq.
Ukrayna 24 fevralda, tək olma hissini etdiyimiz kimi yaşamamalıdır. Putinin ordusuna qarşı divar kimi dayanan öz qəhrəman xalqımızdan başqa heç kim Rusiyanı dayandıra bilmədiyi zamanlar. Və dünya deyəndə, şübhəsiz ki, çox sevindik: ukraynalılar inanılmazdır ki, Tanrım, ukraynalılar necə vuruşurlar, ukraynalılar necə mübarizə aparırlar; onlar necə titanlardır. Və bu, həqiqətdir. Mütləq həqiqət!
Amma Avropa və bütün dünya başqa həm də bir həqiqəti başa düşməlidir: ukraynalılar hər şeydən əvvəl insandır. Biz təxminən dörd ildir ki, tammiqyaslı işğal zamanı dünyanın ən böyük ordularından birini saxlayırıq. Bir neçə min kilometrlik cəbhə xətti boyu saxlayırıq. Xalqımız hər gecə atəşə, raket hücumlarına, ballistik raket zərbələrinə və dron hücumlarına dözür. Xalqımız hər gün yaxın-doğmalarını itirir. Xalqımız müharibənin bitməsini təbii ki, çox istəyir. Əlbəttə ki, biz poladdan düzəldilmişik. Amma hətta ən möhkəm metal belə qırıla bilir.
Bunu unutmayın. Ukrayna ilə olun, xalqımızla olun və bu, ləyaqət, azadlıqla olmaq deməkdir!
Əziz ukraynalılar! Müharibənin ilk gününü xatırlayın. Çoxumuz seçim etdik. Ukraynanın lehinə seçim. O vaxtkı hisslərimizi xatırlayın. Necə idi? Qaranlıq, səs-küylü, çətin, ağrılı və bir çoxları üçün dəhşətli, amma düşmən qaçan arxalarımızı görmədi. O, bizim olacaq uğrunda döyüşməyə hazırlıqla dolu gözlərimizi gördü. Bu, ləyaqətdir. Bu, azadlıqdır. Və bu, həqiqətən də Rusiyanın başına gələ biləcək ən dəhşətli şeydir – ukraynalıların tam birləşdiyini görmək.
O vaxt birliyimiz evimizi düşməndən qorumağa yönəlmişdi. İndi isə, evimizdə ləyaqətli bir sülhü təmin etmək üçün həmişəkindən də çox birliyə ehtiyacımız var.
İndi artıq bütün ukraynalılara müraciət edirəm. Xalqımıza, vətəndaşlarımıza, siyasətçilərimizə – hər kəsə. Özümüzü toparlamalıyıq. Özümüzə gəlin. Mübahisələri dayandırın. Siyasi oyunları dayandırın. Dövlət işləməlidir. Müharibə gedən ölkənin xalqı, parlamenti birlikdə işləməlidir. Müharibə gedən ölkənin hökuməti səmərəli işləməlidir. Hamımız birlikdə bu gün Ukrayna düşməninin kim olduğunu unutmamalı və ya çaşdırmamalıyıq. Müharibənin ilk günündə müxtəlif ərizəçilərin mənə müharibənin sonu üçün müxtəlif planlar, məqamlar, ultimatumlar təqdim etdiklərini xatırlayıram. Onlar dedilər: ya bunu, ya da heç nə. Ya bunu imzalayacaqsınız, ya da sadəcə ləğv ediləcəksiniz və “Ukraynanın yeni prezidenti” sizin yerinizə imzalayacaq.
Bunun necə bitdiyi hamıya məlumdur. Onların çoxu mübadilə fondunun bir hissəsi oldu və təklif.və məqamları ilə “sülh limanına” getdilər.
Mənsə, o zaman Ukraynaya xəyanət etmədim; şübhəsiz ki, arxamda olan hər kəsin dəstəyini hiss etdim. Hər biriniz. Hər bir ukraynalı, hər bir əsgər, hər bir könüllü, hər tibb işçisi, diplomat, jurnalist – bütün xalqımız. Biz o vaxt Ukraynaya xəyanət etməmişik və indi də etməyəcəyik.
Və əminəm ki, tariximizin bu, həqiqətən də ən çətin anlarından birində mən yenə tək deyiləm. Ukraynalılar öz dövlətlərinə, bir olduğumuza inanırlar. Gələcək görüşlərin, müzakirələrin və tərəfdaşlarla danışıqların bütün formatlarında bizim üçün ləyaqətli bir sülhə nail olmaq və onları yüz faiz inandırmaq mənim üçün daha asan olacaq: Ukrayna xalqı mənim arxamdadır. Ləyaqətə sahib olan, azadlıq uğrunda mübarizə aparan və sülhə layiq olan milyonlarla xalqımız.
Ukrayna üçün canlarını fəda edən və cənnətdə olan və oradan da övladlarının və nəvələrinin ləyaqətli bir dünyada yaşayacağını görməyə layiq olan bütün şəhid qəhrəmanlarımız. Və bu sülh mövcud olacaq. Ləyaqətli, təsirli, davamlı.
Əziz ukraynalılar, açıq deyim! Növbəti həftə çox çətin, hadisələrlə dolu olacaq.
Siz bunu dəfələrlə sübut etmiş yetkin, ağıllı və vicdanlı bir xalqsınız. Və başa düşürsünüz ki, bu müddət ərzində çoxlu təzyiq olacaq – siyasi, informasiya və hər cür təzyiq. Bizi zəiflətmək üçün. Bizi parçalamaq üçün. Düşmən oyaqdır və uğursuzluğumuz üçün də hər şeyi edəcək.
Onlara bunu etməyə icazə verəcəyikmi? Bizim buna haqqımız yoxdur. Biz uğur qazanacağıq. Çünki bizi məhv etməyə çalışanlar bizi yaxşı tanımırlar. Onlar bizim əslən kim, necə insan olduğumuzu, nəyi müdafiə etdiyimizi başa düşmürlər. Ləyaqət və Azadlıq Gününü milli bayram kimi qeyd etməyimiz əbəs yerə deyil. Bu, bizim kim olduğumuzdan və dəyərlərimizin nə olduğundan çox şey danışır. Sülhümüz üçün diplomatik şəkildə çalışacağıq. Sülhümüz üçün ölkə daxilində birlikdə çalışmalıyıq. Ləyaqətimiz üçün. Azadlığımız üçün.
Və inanıram və bilirəm ki, tək deyiləm. Mənimlə birlikdə xalqımız, cəmiyyətimiz, əsgərlərimiz və tərəfdaşlarımız, müttəfiqlərimiz, bütün xalqımız var. Ləyaqətli. Azad. Birləşmiş.
Ləyaqət və Azadlıq Gününüz mübarək!