Ağ Evin nümayəndəsi bildirib ki, ABŞ prezidenti Donald Tramp Rusiyaya qarşı yeni sanksiya paketini dəstəkləməyə hazırdır.
“Məhz Ağ Ev və prezident üçün hər zaman vacib olub ki, sanksiya paketi elə formalaşdırılsın ki, yekun qərarvermə səlahiyyəti prezidentdə qalsın. Əgər bu bənd qanun layihəsinin mətninə daxil edilibsə, prezident onun imzalanması imkanını nəzərdən keçirə bilər. O, bunu ötən axşam da açıq şəkildə bildirib”, – deyə mənbə vurğulayıb.
Ağ Evin nümayəndəsi həmçinin əlavə edib ki, ABŞ və Rusiya arasında Ukraynadakı münaqişənin nizamlanması ilə bağlı danışıqlar davam edir.
“Biz, şübhəsiz ki, bu məsələ üzərində işləməyə davam edirik. Sadəcə, bu, xəbərlərin mərkəzində deyil, çünki hazırda çoxsaylı proseslər baş verir”, – deyə rəsmi qeyd edib.