Gəncədə 31 manata satılan Braziliya ətlərinə rast gəlmək olur
Azərbaycanda Braziliyadan idxal olunan ətlərin satışı geniş vüsət alıb.
Tacxeber.com xəbər verir ki, dabaq xəstəliyinin yayılmasının qarşısını almaq məqsədilə aparılan profilaktik tədbirlər yerli ət tədarükündə müəyyən məhdudiyyətlər yaradıb. Nəticədə istehlakçıların xarici ölkələrdən gətirilən ət məhsullarına, xüsusilə də Braziliya mənşəli ətlərə marağı artıb.
Məlumata görə, Braziliya ətlərinin bir kiloqramı sümüksüz şəkildə 12–15 manat aralığında satılır.
Lakin Gəncədə fəaliyyət göstərən satıcılardan birinin sözlərinə görə, onun təklif etdiyi Braziliya ətlərində tullantı az olduğu üçün qiymət nisbətən yüksəkdir. Hazırda bu növ ətlərin qiymətinin bir kiloqramı 29–31 manat aralığında dəyişir.
Satıcının bildirdiyinə görə, keyfiyyət baxımından bu ətlər həm dad, həm də saxlanma müddəti baxımından yerli məhsullardan fərqlənir.(Xəzərxəbər.аz)