Beynəlxalq Valyuta Fondu (BVF) və Dünya Bankının illik iclaslarında ABŞ ilə Çin arasında yenidən alovlanan ticarət gərginliyi əsas müzakirə mövzularından birinə çevrilib.
Tacxeber.comxəbər verir ki, ABŞ administrasiyası Çindən idxal olunan bəzi məhsullara qarşı yeni gömrük tarifləri tətbiq edə biləcəyi barədə xəbərdarlıq edib. Bu açıqlama qlobal maliyyə bazarlarında dalğalanma yaradıb, investorların risk meyilliliyi azalıb.
Ekspertlər bildirirlər ki, ABŞ-Çin münasibətlərində gərginliyin dərinləşməsi yalnız iki ölkə iqtisadiyyatına deyil, qlobal ticarət dövriyyəsinə və enerji bazarlarına da mənfi təsir göstərə bilər.
BVF nümayəndələri tərəfləri qarşılıqlı dialoqa çağıraraq, ticarət məhdudiyyətlərinin qlobal iqtisadi artıma əngəl yaratdığını vurğulayıblar.
Hazırda bazarlar əsasən ABŞ tərəfindən yeni tariflərin hansı sahələri əhatə edəcəyini gözləyir. Analitiklərə görə, bu addımlar xüsusilə yarımkeçirici texnologiyalar, süni intellekt və yaşıl enerji avadanlıqları kimi strateji sektorlarda rəqabəti daha da qızışdıra bilər.