Türkiyə prezidenti Rəcəb Tayyib Ərdoğan İsrailin baş naziri Binyamin Netanyahunu kəskin tənqid edərək, onun BMT-dəki çıxışının faktiki olaraq boş bir salonda olduğunu qeyd edib. Ərdoğan “məzlumun fəryadı gec-tez ona çatacaq” deyib.
Türkiyə lideri İsrailə qarşı çəkindirici sanksiyaların, o cümlədən onun beynəlxalq idman turnirlərində iştirakına qadağa qoyulmasının vacibliyini vurğulayıb. O, həmçinin bəyan edib ki, İsrail hökuməti Qəzzada 100 milyard dollar dəyərində təxmin edilən dağıntıların vurduğu zərəri ödəməlidir.
Ərdoğan əlavə edib ki, Türkiyənin İsrailə qarşı ticarət və digər sahələrdə atdığı addımlar digər ölkələr üçün nümunə olmalıdır.