“Crocus City Hall”da baş vermiş terror aktı ilə bağlı cinayət işində zərərçəkmişləri təmsil edən müdafiə qrupu iş adamları Araz Ağalarov və oğlu Eminin əmlaklarına həbs qoyulması ilə bağlı vəsatət qaldırıb, bu barədə vəkil İqor Trunov bildirib. Vəsatət Rusiya İstintaq Komitəsi tərəfindən qəbul edilib.
“Rusiya Federasiyasının İstintaq Komitəsindən xahiş edirik ki, “Crocus Group”, “Crocus” ASC, “Crocus Profi” özəl mühafizə şirkəti və “Crocus International” ASC-nin sahiblərinin əmlakına həbs qoyulması üçün təcili tədbirlər görsün”, – vəkil bildirib.
Trunov qeyd edib ki, Ağalarovların şirkətləri yanğınsöndürmə sistemləri, qəza çıxışlarına nəzarət və binanın təhlükəsizliyinə cavabdehdirlər. İstintaqın məlumatına görə, çıxışların bəziləri bağlanıb, yanğın siqnalizasiyaları isə işləməyib.