Gələn il tarix, fiziki -tərbiyə və digər sertifikasiyası keçirilməyən fənn müəllimləri sertifikasiyaya cəlb olunacaqlar.
Tacxeber.comxəbər verir ki, bunu elm və təhsil naziri Emin Əmrullayev yeni tədris ilinə dair media nümayəndələri üçün keçirdiyi brifinqdə deyib.
O, bildirib ki, biz ilk sertifikasiya imtahanlarının suallarını daha asan qoymuşduq:
“Növbəti sertifikasiya prosesində oxuyub, anlamaya üstünlük verəcəyik. Xüsusilə, ibtidai sinif müəllimləri üçün. Oxuyub, dinləyib anlamanı artırmaq lazımdır. İnsan bir dəqiqəyə 90 söz oxuyursa, o demək deyil ki, oxuduğunun hamısını anlayır. Bizim ən böyük problemimiz oxuyub anlamaqla bağlıdır”.
