ABŞ prezidenti Donald Tramp Ağ Evə qayıtdıqdan sonra ilk dəfə olaraq Rusiya lideri Vladimir Putinlə avqustun 15-də Alyaskada görüşməyi planlaşdırır.
The New York Times yazır ki, tərəflər Ukraynada atəşkəs məsələsini müzakirə edəcəklər.
Nəşrin məlumatına görə, Putin daha çox Rusiyanın maraqlarına uyğun sülh təkliflərində israr edir. Bu isə bəzi analitiklər və Tramp administrasiyasının keçmiş rəsmiləri arasında narahatlıq doğurur ki, Kreml görüşdən öz xeyrinə istifadə edə bilər.
Birinci prezidentlik müddətində Tramp Putinlə altı dəfə görüşüb və bir neçə dəfə telefonla danışıb. Onun varisi Co Bayden isə 2021-ci ildə, Ukraynaya qarşı genişmiqyaslı işğaldan əvvəl Putinlə yalnız bir dəfə görüşüb.