Respublikaçı senator Lindsi Qrem Rusiya Təhlükəsizlik Şurasının sədr müavini Dmitri Medvedevin Donald Trampın Moskvaya verdiyi “ultimatum”u 12 günə qısaltmasından sonra ABŞ-ı müharibə ilə hədələdiyi bəyanatınacavab verib.
Qrem özünün X səhifəsində yazıb ki, Tramp qərarlıdır və Rusiya ilə Ukrayna arasında müharibəyə son qoymaq niyyətindədir.
“Rusiyada prezident Trampın Rusiya ilə Ukrayna arasında qan tökülməsinə son qoymaqda ciddi olmadığına inananlara. Siz və müştəriləriniz tezliklə anlayacaqsınız ki, təəssüf ki, yanılırsınız. Siz də tezliklə Co Baydenin artıq prezident olmadığını görəcəksiniz”, – Qrem deyib.
O, həmçinin Rusiyanı danışıqlar masasına oturmağa çağırıb.