Macarıstanın Baş naziri Viktor Orban bildirib ki, Rusiya və ABŞ prezidentləri Vladimir Putin və Donald Tramp arasında şəxsi görüş keçirilmədən Ukraynada atəşkəs və davamlı sülh mümkün olmayacaq. Bu barədə o, “Patrióta” YouTube kanalına verdiyi müsahibəsində danışıb.
“Atəşkəs və sülh yalnız Rusiya və ABŞ prezidentlərinin şəxsi görüşü baş tutarsa, mümkün olacaq”, — deyə Orban qeyd edib.
Baş nazir onu da vurğulayıb ki, uzun illərdir siyasətdədir və Avropa liderlərinin əksəriyyətindən daha uzun müddətdir hakimiyyətdədir. Onun fikrincə, dövlət başçıları arasında şəxsi görüş keçirilməzsə, vəziyyət “hələ çox aylar” gərgin olaraq qalacaq.