İran təhlükəsizlik qüvvələri tərəfindən aparılan əməliyyat nəticəsində, İsfahan şəhərində yerləşən pilotsuz uçuş aparatları istehsal edən zavodda diversiya törətməyi planlaşdıran üç silahlı şəxs saxlanılıb.
Tacxeber.comxəbər verir ki, bu şəxslərin Ukrayna kəşfiyyat xidmətinə bağlı olduqları bildirilir.
Rəsmi Tehran bu şəxsləri ölkənin milli təhlükəsizliyinə qarşı ağır cinayətlərdə ittiham edir.
Onların fəaliyyətləri daxili sabitliyi pozmaq, strateji sənaye obyektlərini məhv etmək və ölkənin müdafiə potensialını zəiflətmək məqsədi daşıyıb.
İran hüquq-mühafizə orqanları saxlanılanların cinayət işini araşdırır və onlara qarşı ciddi hüquqi tədbirlər görülür. İranda milli təhlükəsizliyə qarşı bu cür əməliyyatlarda ittiham olunan şəxslərə qarşı ən ağır cəza – ölüm hökmü tətbiq oluna bilər.
Bu hadisə İran və Ukrayna arasında mövcud gərginlik fonunda baş verir və beynəlxalq ictimaiyyətin diqqətini cəlb edib. İran tərəfi bu kimi kəşfiyyat və terror aktlarının qarşısının qətiyyətlə alınacağını vurğulayır.
Hazırda saxlanılanların taleyi ilə bağlı məhkəmə prosesləri davam edir və nəticələri yaxın vaxtlarda elan olunacaq.