Türkiyə PrezidentAdministrasiyasının Dezinformasiyaya Qarşı Mübarizə Mərkəzi (DMM) sosial mediada yayılan “Türk qırıcıları İsraili qorumaq üçün hərəkətə keçib” iddialarının həqiqəti əks etdirmədiyini açıqlayıb.
Tacxeber.comxəbər verir ki,DMM-nin rəsmi sosial media hesabında yayımlanan açıqlamada bildirilir ki, bu tip iddialar dezinformasiya xarakterlidir və ictimaiyyətdə çaşqınlıq yaratmaq məqsədi daşıyır.
Açıqlamada vurğulanıb ki, Türkiyə hər zaman Orta Şərqdə sülh və sabitliyin tərəfdarıdır:
“Göz bəbəyimiz olan Türk Silahlı Qüvvələri barış və təhlükəsizliyin zəmanətçisidir. Müdafiə Nazirliyimiz hava məkanımızdakı hüquq və maraqları qorumaq üçün bütün bağlı qurumlarla birgə qətiyyətlə fəaliyyət göstərir. Türkiyə bölgədə sabitliyi pozan İsrailin bütün addımlarına qarşıdır və heç bir düşmən fəaliyyətinə dəstək verməsi mümkün deyil”.
Qurum vətəndaşları rəsmi mənbələrdən gəlməyən və əsası olmayan iddialara qarşı diqqətli olmağa çağırıb.