Xəzər dənizindəki Nordovı adası suyun səviyyəsinin davamlı olaraq aşağı düşməsi səbəbindən nəticədə materikə birləşə bilər.
Bu barədə RBC rusiyalı alimlərə istinadən məlumat verir.
Onların məlumatlarına görə, son beş ildə Xəzər dənizinin səviyyəsi ildə orta hesabla 23 santimetr aşağı düşüb.
Dayazlaşma xüsusilə dayaz suların üstünlük təşkil etdiyi Şimali Xəzərdə nəzərə çarpır. 2025-ci ildə dəniz səviyyəsi rekord həddə – 29,4 santimetr aşağı düşüb.
Alimlər proqnozlaşdırırlar ki, əgər hazırkı templər davam edərsə, Xəzər dənizi təxminən 20 il ərzində daha 4,5 metr kiçilə bilər. Bu halda, Nordovı adası materiklə birləşərək yarımadaya çevriləcək.
Mütəxəssislər dayazlaşmanın əsas səbəblərinin Volqadan su axınının azalması və buxarlanmanın artması olduğunu bildirirlər.
Xəzər dənizi səviyyəsinin aşağı düşməsi artıq ekosistemə mənfi təsir göstərir, kürütökmə yerlərini azaldır və gəmiçilik və liman əməliyyatları üçün risklər yaradır.