“Middle East Eye” mənbələrə istinadən xəbər verir ki, Türkiyə bu ilin əvvəlində Ukraynaya az sayda “Korkut” zenit sistemləri verib və Kiyev bu sistemlərdən hava hücumundan müdafiə sistemlərini sınaqdan keçirmək və gücləndirmək üçün istifadə edib.
Standart Korkut paketinə üç döyüş maşını və bir komanda maşını daxildir. Təqdim edilən sistemlərin dəqiq sayı açıqlanmayıb.
Ukrayna rəsmisi MEE-yə bildirib ki, sistem döyüş sınaqlarından keçib, lakin müəyyən edilmiş problemlər “kiçik düzəlişlər” tələb edib. O əlavə edib ki, Kiyev uyğun qiymətə əlavə alışlarda maraqlıdır.
Türkiyənin bir neçə müdafiə şirkəti də Ukrayna ordusu ilə silahların sınaqdan keçirilməsi və təkmilləşdirilməsi sahəsində əməkdaşlıq edir.