“The Economist” nəşri yazır ki, Rusiya Prezidenti Vladimir Putin Ukraynadakı müharibədə məğlub olmaqdan və hakimiyyətini itirməkdən ciddi şəkildə ehtiyat edir.
Məqalədə Kremlin rəhbərinə yaxın mənbələrdən birinin ifadəsinə istinad olunub: “Onlar məni asacaqlar”. Lakin nəşr bu “onlar” ifadəsinin konkret kimi – Qərbi, Ukraynanı, Rusiya elitasını, yoxsa müharibənin gedişindən narazı olan “Z-ictimaiyyətini” nəzərdə tutduğunu dəqiqləşdirməyib.
“The Economist” yazır ki, Putin Bütün Donbas regionu (xüsusən Donetsk vilayətinin tamamı) nəzarətə götürülmədən hərbi əməliyyatların dayandırılacağı təqdirdə öz şəxsi təhlükəsizliyi üçün real təhdidlər yaranacağından qorxur. Hazırda Donetsk vilayətinin təxminən 15%-i Ukrayna ordusunun nəzarətində qalmaqdadır”.