Ukrayna Prezidenti Vladimir Zelenski Azərbaycan Prezidentinin köməkçisi və Prezident Administrasiyasının şöbə müdiri Hikmət Hacıyevi 3-cü dərəcəli “Şərəf” ordeni ilə təltif edib.
Müvafiq qərar dövlətlərarası əməkdaşlığın möhkəmləndirilməsinə, Ukraynanın dövlət suverenliyinin və ərazi bütövlüyünün dəstəklənməsinə, Ukrayna xalqının tarixi yaddaşının qorunmasına, xeyriyyə fəaliyyətinə və Ukrayna dövlətinin dünya miqyasında tanıdılmasına verdiyi əhəmiyyətli şəxsi töhfənin tanınması olaraq qəbul edilib.