Ukrayna Prezidenti Volodimir Zelenski bildirib ki, xilasedicilər Rusiyanın Ukrayna şəhərlərinə kütləvi hücumunun fəsadlarını 15 saatdan çoxdur aradan qaldırırlar. Onun sözlərinə görə, təkcə Kiyevdə 80-dən çox insan, o cümlədən üç uşaq tibbi yardım üçün müraciət edib, polis isə zədələnmiş əmlakla bağlı 540-dan çox ərizə qəbul edib.
Ukrayna Prezidenti həmçinin məlumat verib ki, zərbə nəticəsində “Çernobıl” Milli Muzeyinin eksponatlarının təxminən 40%-i geri dönüşü olmayaraq məhv edilib. Bununla belə, xilasedicilər və muzey əməkdaşları bəzi dəyərli əşyaları, o cümlədən Mariya Primaçenkonun tablosunu və 2022-ci ildə deokkupasiyadan sonra Çernobıl Atom Elektrik Stansiyasında (ÇAES) ucaldılmış Ukrayna bayrağını təxliyə edə biliblər.
Zelenski atəşlərdən sonra göstərdikləri fəaliyyətə görə xilasedicilərə, həkimlərə, polislərə, kommunal xidmətlərə və könüllülərə təşəkkür edib.