ABŞ prezidenti Donald Tramp İsrailin baş naziri Binyamin Netanyahunun Vaşinqtonun İranla bağlı verdiyi istənilən qərarı dəstəkləyəcəyini bildirib.
Tramp jurnalistlərə bildirib ki, “O, tamamilə yaxşıdır. Mən ona nə desəm, onu da edəcək. O, çox, çox yaxşı insandır”.
Amerika liderinin sözlərinə görə, Netanyahu ABŞ-ın Tehrana qarşı istənilən siyasətini dəstəkləyəcək. Tramp həmçinin bildirib ki, o, israillilərin 99%-nin dəstəyindən istifadə edir və baş nazirliyə namizəd ola bilər. “Beləliklə, bəlkə də bundan sonra İsrailə gedib baş nazir olacam”, – deyə o vurğulayıb.
Qeyd edək ki, daha əvvəl İsrail mediası Netanyahu ilə Trampın 20 may gecəsi telefon danışığı apardığını bildirmişdi.