Rusiya Təhlükəsizlik Şurasının katibi Sergey Şoyqu bildirib ki, Ermənistan 1990-cı illərdə Rusiyanın sayəsində suverenliyini qoruyub saxlayıb.
Şoyqu Rusiya Təhlükəsizlik Şurasının xüsusi işçi qrupunun iclasında bildirib ki, “Rusiyanın səyləri sayəsində Ermənistan 1990-cı illərdə suverenliyini qoruyub saxladı və enerji blokadasından azad oldu”.
O xatırlatdı ki, Rusiya Ermənistana təbii qaz və benzini bazar qiymətlərindən üç dəfə aşağı qiymətə tədarük edir.
Eyni zamanda, Şoyqunun sözlərinə görə, Yerevan son zamanlar Moskva ilə müttəfiqlik münasibətlərinin ruhuna uyğun olmayan bir sıra addımlar atıb. Xüsusilə, Ermənistan tərəfi beynəlxalq platformalarda müntəzəm olaraq Aİ-nin mövqeyi ilə razılaşır.
“Rusiyaya qarşı düşmən münasibətdə olan bir sıra dövlətlər 2025-2026-cı illərdə Ermənistanın strateji tərəfdaşlarına çevrilib. Onlarla bağlanan müqaviləyə, digər məsələlərlə yanaşı, təhlükəsizlik sahəsində əməkdaşlığın dərinləşdirilməsi də daxildir. Birgə hərbi təlimlər keçirilir”, – deyə o qeyd edib.