Ukrayna Prezidenti Vladimir Zelenskinin sözlərinə görə, Ukrayna Silahlı Qüvvələri Rusiyanın Leninqrad vilayətindəki Primorsk limanına zərbə endirərək “Karakurt” raket gəmisini, patrul gəmisini, kölgə donanmasının tankerini və liman infrastrukturunu vurub.
Ukrayna Təhlükəsizlik Xidmətinin rəis vəzifəsini icra edən Yevgeni Xmara əməliyyat barədə prezidentə məlumat verib. Bu, Ukrayna Təhlükəsizlik Xidməti, Pilotsuz Sistemlər Qüvvələri, Xüsusi Əməliyyat Qüvvələri, Baş Kəşfiyyat İdarəsi və sərhədçilərin iştirak etdiyi birgə əməliyyatdır.
Ukrayna Silahlı Qüvvələri Novorossiysk limanının girişində iki böyük gəmiyə zərbə endirib. Bu barədə Ukrayna Prezidenti Vladimir Zelenski Telegram-da bildirib.
Onun sözlərinə görə, neftin daşınması üçün tankerlərdən fəal şəkildə istifadə olunurdu.