ABŞ prezidenti Donald Tramp müşavirlərinə Hörmüz boğazı gəmiçilik üçün bağlı qalsa belə, İranla münaqişəyə son qoymaq istədiyini bildirib.
Bu barədə mənbələrə istinadən “The Wall Street Journal” qəzeti məlumat yayıb.
Nəşr bildirib ki, “Tramp köməkçilərinə Hörmüz boğazının əsasən bağlı qalmasına baxmayaraq, ABŞ-ın İrana qarşı hərbi kampaniyasına son qoymağa hazır olduğunu bildirib”.
Bir mənbə bildirib ki, ABŞ Hörmüz boğazından gəmiçiliyin bərpası səylərinin İrana qarşı altı həftəlik əməliyyatı pozacağı qənaətinə gəlib.
Media əlavə edib ki, Tramp münaqişənin əsas məqsədlərinə – İranın donanmasını yatırmağa və raket ehtiyatlarını məhv etməyə diqqət yetirmək qərarına gəlib. Bundan sonra Amerika lideri hərbi əməliyyatlara son qoymaq və diplomatik yollarla gəmiçiliyin bərpasına çalışmaq istəyir.