Beynəlxalq Olimpiya Komitəsi (BOK) transgender qadınların qadınlar üçün yarışlarda iştirakını qadağan edən qaydalar elan edib.
Qadağanın 2028-ci ildə Los-Ancelesdə keçiriləcək olimpiada oyunlarında qüvvəyə minəcəyi gözlənilir.
BOK prezidenti Kirsti Koventri bildirib ki, qərar “bioloji olaraq kişi olanların qadın kateqoriyasında yarışmasının ədalətli olmaması” səbəbilə qəbul edilib.
BOK, həmçinin, təsdiqləyib ki, gələcək olimpiya oyunlarında qadın kateqoriyasında yarışmaq istəyən bütün idmançılar bioloji cinslərini müəyyən etmək üçün birdəfəlik genetik testdən keçməli olacaqlar.
Koventri deyib ki, həm fərdi, həm də komanda üzrə idman növlərinə aid olan bu qərar “elmi əsaslara söykənir və qadın idmanında ədaləti və təhlükəsizliyi qoruyacaq”.
“Keçmiş idmançı kimi bütün olimpiyaçıların ədalətli rəqabət mühitində iştirak etmək hüququna ürəkdən inanıram”, – o əlavə edib. (ToplumTV)