ABŞ, müttəfiqlərinə bəd xəbəri verdi: Ukraynaya tədarüklər kəsiləcək

ABŞ, müttəfiqlərinə İranla müharibə səbəbindən qarşıdakı aylarda Ukraynaya silah tədarükündə mümkün gecikmələr baş verəcəyi barədə xəbərdarlıq edib.

Gecikmələrin əsasən sursatla, o cümlədən Patriot hava hücumundan müdafiə sistemi üçün lazımi raketlərlə əlaqədar olacağı bildirilir. Avropa rəsmilərinə görə, bu məsələnin Parisdə keçiriləcək G7 xarici işlər nazirlərinin görüşündə müzakirə edilməsi planlaşdırılır.

Müttəfiqlər ABŞ-ın Ukrayna üçün artıq ödənilmiş silahları başqa istiqamətlərə yönləndirə biləcəyindən və əsas tədarük proqramlarını təhlükə altına ala biləcəyindən çəkinirlər. Baxmayaraq ki, bəzi ölkələr tədarüklərin ABŞ-ın bu qərarından hələlik təsirlənməyəcəyinə dair zəmanət alıblar.