Financial Times qəzetinin məlumatına görə, Rusiya hakimiyyəti Ukraynadakı müharibənin artan xərcləri fonunda böyük bizneslərdən dövlət büdcəsini dəstəkləmələrini istəyib. Nəşrin məlumatına görə, Vladimir Putin hərbi xərclərin artması səbəbindən büdcə kəsiri genişləndiyindən rus milyarderləri ilə maliyyə yardımı imkanlarını şəxsən müzakirə edib.
Financial Times qəzetinin mənbələrə istinadən verdiyi məlumata görə, 2025-ci ildə müdafiə xərcləri əvvəlki ilə nisbətən təxminən 42% artıb və müharibə üçün ayrılan vəsaitin ümumi məbləği yüz milyardlarla dollardır.
Bu ilin əvvəlində hakimiyyət artıq əlavə dəyər vergisinin artırılması da daxil olmaqla, populyar olmayan tədbirlər həyata keçirib. Lakin bu yeni qərarlar daxili narazılığa səbəb ola bilər, ona görə də Kreml böyük biznesin dəstəyinə ümid edir.
The Bell qəzetinin məlumatına görə, bəzi rus milyarderləri artıq maliyyələşdirmədə iştirak etməyə hazırdırlar. Onların arasında Süleyman Kərimov və Oleq Deripaska da var. Sanksiyalara baxmayaraq, son illərdə rus milyarderlərinin sərvəti artmaqdadır. (Azadlıq Qəzeti)