İran prezidenti Məsud Pezeşkyan özünün Telegram kanalında bildirib ki, İran və ABŞ heç bir danışıqlar aparmır.
“ABŞ prezidentinin açıqlamaları enerji qiymətlərini aşağı salmaq və hərbi planlarını həyata keçirmək üçün vaxt qazanmaq cəhdləri kontekstində səslənir”, – deyə o bildirib.
ABŞ prezidenti Donald Tramp əvvəllər İranla iki günlük “çox yaxşı və məhsuldar” danışıqlardan sonra Pentaqona İranın elektrik stansiyalarına və enerji infrastrukturuna hücumları beş gün müddətinə dayandırmağı tapşırdığını bildirmişdi. Trampın sözlərinə görə, Vaşinqton və Tehran Yaxın Şərqdəki hərbi münaqişənin həllini müzakirə ediblər.
Pezeşkyan qeyd edib ki, son günlərdə İran Hörmüz boğazından gəmilərin koordinasiyasını və keçidini təmin etmək üçün yalnız Yaxın Şərq ölkələri, xüsusən də Omanla danışıqlar aparır. “Bu əlaqələr açıqdır; Tehran və Vaşinqton arasında heç bir gizli danışıqlar aparılmır”, – deyə o vurğulayıb.