ABŞ prezidenti Donald Tramp İrana qarşı hərbi əməliyyatın dayandırılması qərarının Benyamin Netanyahunun mövqeyi nəzərə alınmaqla veriləcəyini bildirib. Amerika lideri bu açıqlamanı “The Times of Israel” qəzetinə verdiyi müsahibədə verib.
Tramp İsrailin baş naziri ilə daim əlaqə saxladığını və vəziyyətin dəyişməsini onunla müzakirə etdiyini bildirib. O, hərbi əməliyyatların dayandırılmasının vaxtının müəyyənləşdirilməsi zamanı İsrailin fikirlərinin nəzərə alınacağını, lakin son qərarın Vaşinqton tərəfindən veriləcəyini vurğulayıb.
Amerika prezidenti həmçinin bildirib ki, onun fikrincə, ABŞ və İsrailin birgə hərəkətləri yəhudi dövlətinə qarşı təhlükənin qarşısını alıb. Tramp iddia edir ki, İran hökuməti guya İsraili məhv etməyi və regionu sabitsizləşdirməyi planlaşdırıb. “Biz birlikdə çalışdıq və İsraili məhv etmək istəyən bir ölkəni dayandırdıq”, – deyə o qeyd edib.
Tramp həmçinin əmin olduğunu bildirib ki, Amerika zərbələri dayandırılarsa, İsrailin təkbaşına hərbi əməliyyatlarını davam etdirməsinə ehtiyac qalmayacaq.