Jeune Afrique jurnalının məlumatına görə, general Amadou İbro Niger xalqını Fransa ilə mümkün hərbi qarşıdurmaya hazırlaşmağa çağırıb və Parisi ölkədəki sabitliyi pozmaqda günahlandırıb.
“Bilirsiniz, biz Fransa ilə müharibə edəcəyik. Əvvəllər döyüşməmişik, amma indi vuruşuruq”, – general elan etdi.
Hökumətyönlü Lesahel portalının məlumatına görə, Nigerdə ümumi səfərbərlik elan edilməsi barədə fərman ötən ilin dekabr ayının sonlarında Çianinin sədrliyi ilə keçirilən ölkənin Nazirlər Şurasının iclasında qəbul edilib. General İbronun sözlərinə görə, səfərbərlik Fransaya qarşı çıxmaq üçün elan edilib.
Fransa Silahlı Qüvvələri Baş Qərargahının sözçüsü polkovnik Qiyom Vernet qeyd edib ki, “Fransanın Nigerə müdaxiləsindən söhbət gedə bilməz”. O, İbronun açıqlamalarını Niger tərəfindən aparılan “informasiya müharibəsi” adlandırıb.