Türkiyənin xarici işlər naziri Hakan Fidan bildirib ki, bölgədə kimsə nüvə silahı əldə edərsə, Türkiyə nüvə silahlanması yarışına qoşulmaq məcburiyyətində qalacaq. Bu şərh İranın nüvə silahı əldə etmə ehtimalı ilə bağlı müzakirələr kontekstində edilib.
Fidan CNN Türk-də bildirib ki, “Bu məsələyə ümumi strateji vəziyyət kontekstində baxılmalıdır. Açığı, biz regionda mövcud güc balansını poza biləcək dramatik dəyişikliklər görmək istəmirik. İranla problemi olan ölkələr nüvə silahı əldə etməyə çalışa bilərlər. Və biz də çox güman ki, bu yarışa qoşulmaq məcburiyyətində qalacağıq. Buna görə də, bunun region üçün çox faydalı olacağını düşünmürəm”.
Türkiyənin prinsipcə nüvə silahına sahib olmaq istəyib-istəmədiyi birbaşa soruşulduqda, nazir sükutla və təbəssümlə cavab verdi.