İran hələ təslim olmağa hazır deyil. Tələblərə cavab verməyə, öz mövqeyini bildirməyə və mübahisə etməyə çalışır. İndiyə qədər ABŞ-ın hücumundan hər hansı güzəşt yolu ilə yayınmaq niyyətində olduğuna dair heç bir əlamət yoxdur.
Tehran da zəif bir nöqtə tapıb və ona təzyiq göstərir. Aydındır ki, ABŞ İranın regionda qisas zərbələri və müharibə ilə bağlı bütün təhdidlərindən çox qorxmur. Lakin Səudiyyə Ərəbistanı, Qətər və BƏƏ kimi ölkələr bu təhdidlərdən son dərəcə qorxurlar. Və onların Ağ Evdə müəyyən təsiri var.
Regional oyunçuların əsas narahatlığı Trampın aydın bir planının olmamasıdır. O, bölgədə qüvvələr toplayıb, zərbə endirməyə hazırlaşır və indi bunu etməsə, nüfuzunu itirəcək. Zərbə mümkündür, amma ABŞ bunun nəticələrinə görə məsuliyyət daşıyacaqmı..? İran Hörmüz boğazını bağlaya və Vaşinqtonun müttəfiq ölkələrinə zərbələr endirə bilər. Lakin bu “zəif halqa”nın Trampa təsiri məhduddur. Danışıqların yeni mərhələsinə razılıq verməyə razı salına bilsə də, uğursuz olarsa, Qətər və Səudiyyə Ərəbistanının mövqeyinin həlledici olması ehtimalı azdır…..
Bundan əlavə, Tehranın danışıqlar zamanı əllərini havaya qaldırmaması, əksinə müqavimət göstərməyə çalışması danışıqların uğursuzluğa düçar olacağını göstərir. Trampın sadəcə bir razılığa ehtiyacı yoxdur. Belə uzun sürən intriqadan sonra o, güclü hərbi və ya diplomatik qələbə istəyir. Hər halda, gözləmə uzun çəkməyəcək.
Tramp göstərmək istəyirki, onunla birlikdə prosesi süründürmək mümkün deyil, ona görə də həftələrlə davam edən danışıqlar mərhələlərini görmək ehtimalı azdır. Hər şey tez bir zamanda həll olunmalıdır ya irəliləyişli bir razılaşma, ya da naməlum nəticələrə səbəb olan bir sıra zərbələr…..