Ukrayna Prezidenti Volodymyr Zelensky Ukraynanın xaricdə silah istehsalını artırmaq planlarını açıqladı. Dövlət başçısı bu barədə Kiyev Aviasiya İnstitutunun müəllim və tələbələri ilə görüşündə məlumat verdi.
“Bu gün ixracata başlayırıq. 2026-cı ilə qədər Avropada on ixrac mərkəzi olacaq. Bunlara Baltikyanı ölkələr və Skandinaviya ölkələri daxildir. 2026-cı ildə on nümayəndəlik fəaliyyət göstərəcək. Fevralın ortalarında Almaniyada dronlarımızın istehsal olunduğunu görəcəyik. İlk dronu alacağam. Bu, fəaliyyətdə olan istehsal xəttidir. Böyük Britaniyada istehsal xətləri fəaliyyət göstərir. Bütün bunlar bizim Ukrayna texnologiyamızdır”, – deyə prezident qeyd edib.
O, vurğuladı ki, bu gün Avropanın təhlükəsizliyi əsasən texnologiya və dronlar üzərində qurulub. Onun sözlərinə görə, əsasən Ukrayna texnologiyasına və ukraynalı mütəxəssislərə əsaslanacaq bir neçə layihə var.
Zelenski əlavə edib ki, “Biz sadəcə müharibə vəziyyətindəyik və hələlik bütün şirkətlər digər bazarlara girmək azadlığını hiss etmir”.