ABŞ prezidenti Donald Tramp sələflərindən biri olan Barak Obamanın dərhal həbs olunmasını tələb edib. O, iddia edib ki, buna səbəb Trampın Rusiya ilə əlaqələri ilə bağlı uydurma ittihamlar olub və bu ittihamlar onun səlahiyyətlərini sarsıtmaq üçün istifadə edilib.
Nəşr qeyd edir ki, Tramp 2016-cı il prezident seçkiləri zamanı çevriliş cəhdinin olduğunu iddia edib. O, Rusiya məsələsindən Obama administrasiyası tərəfindən onun qələbəsini etibardan salmaq üçün istifadə edildiyini iddia edib.
Tramp qeyd edir ki, ittihamlar Milli Kəşfiyyat Direktoru Tulsi Qabbard tərəfindən Rusiyanın ABŞ prezident seçkilərinə müdaxiləsi ilə bağlı Russiagate istintaqının bir hissəsi olaraq açıqlanan yüzlərlə məxfi sənədə əsaslanır.
“Barak Obama şəxsən Mərkəzi Kəşfiyyat İdarəsinin agentlərinə Amerika xalqının demokratiyamıza və Prezident Trampın 2016-cı il seçkilərindəki qələbəsinə olan inamını sarsıtmaq və zəiflətmək üçün Prezident Tramp haqqında yalan məlumat uydurmağı tapşırdı. Obamanı indi həbs edin!”, – deyə Tramp sosial media hesabı Truth Social-da yazıb.