Etibar Əhmədovun vəzifədən azad olunması Xətai RİH-də dövlət ciddiyyətinin şəxsi şouya qurban verilməməli olduğunun hər kəsə açıq mesajıdır.
Dövlət qurumu estrada tədbiri deyil. Rəsmi protokol var, qayda var, məsuliyyət var. Müğənninin – kim olmasından asılı olmayaraq – dövlət strukturu səviyyəsində, protokola zidd şəkildə qarşılanması açıq-aşkar vəzifə səlahiyyətlərinin yanlış istifadəsidir.
İcra hakimiyyəti məmuru xalqın gündəlik problemləri ilə məşğul olmalıykən, səhnə ulduzuna “xüsusi mərasim” təşkil etməsi həm dövlət etikasına, həm də vəzifə məsuliyyətinə hörmətsizlikdir. Dövlət adından şəxsi PR, şəxsi simpatiya və ya populist jestlər etmək bağışlanmazdır.
Etibar Əhmədovun vəzifədən kənarlaşdırılması onu göstərdi ki, heç kim tutduğu kresloya arxayın olub qaydaları tapdalaya bilməz. Bu qərar cəmiyyətə verilən düzgün siqnaldır: dövlət idarəçiliyi şou-bizneslə qarışdırıla bilməz, protokol isə “istəyə görə” pozulan kağız deyil.
Bu addım tərifə layiqdir. Çünki dövlət nüfuzu məmurun şəxsi ambisiyasından və zövqündən həmişə üstün olmalıdır.