İki gündür sosial şəbəkələrin ABŞ-Türkiyə-Ermənistan seqmentində bir məsələ gündəm olub.
Trampın 2024-cü ildə vəzifə verdiyi türk əsilli amerikalı həkim Mehmet Öz Los-Ancelesdə rus-erməni mafiyasının 3,5 milyard dəyərindəki saxtakarlığını üzə çıxarıb. O, sağlıq mərkəzləri vasitəsilə 100 mindən çox amerikalının pulunun mənimsəndiyini bildirib.
Həmçinin mafiyalarla razılaşan həkimlərin saxta xəstə adları və şişirilmiş dərman qiymətləri ilə reseptlər yazaraq sığorta xidmətinə maddi zərər vurduğunu qeyd edib.
Hətta bu qruplarının birbaşa erməni diasporu ilə əlaqəli olduğu iddia edilir. Kaliforniya rəhbərliyi Özə qarşı çıxsa da, o, iddialarının arxasında olduğunu deyir. Maraqlıdır ki, Tramp Özü vəzifəyə gətirəndə Amerikadakı erməni diasporu və lobbisi həkimə qarşı qaralama kampaniyasına başlamışdılar.