Ukrayna Prezidenti Vladimir Zelenski Rusiya əsgərləri arasında itkilərin artacağını bildirib. O, davam edən hərbi əməliyyatların qaçılmaz olaraq ölənlərin sayının daha da artmasına səbəb olacağını iddia edib.
Zelenski qeyd edib ki, təxminlərə görə, Rusiya ayda 35 minə qədər əsgər itirir və bu rəqəmin artacağını vurğulayıb. Eyni zamanda, Ukrayna prezidenti müharibəni davam etdirmək və ya dayandırmaq seçiminin Rusiya tərəfində qaldığını bildirib.
Ukrayna lideri vurğulayıb ki, Ukraynanın məqsədi müharibəni bitirməkdir, lakin bu davam edərsə, Rusiya ordusunun itkiləri artacaq.
“Hər ay 35.000 rus əsgəri öldürülür və bu rəqəm artacaq. Müharibəni davam etdirib-etdirməmək onlardan asılıdır; biz onu dayandırmaq istəyirik”, – deyə o qeyd edib.