ABŞ prezidenti Donald Tramp Norveçin Baş naziri Jonas Gar Störeyə müraciət edərək bildirib ki, “artıq yalnız sülh haqqında düşünməyə borclu deyil”. Amerika liderinin mesajı X-də PBS NewsHour jurnalisti Nik Şifrin tərəfindən dərc edilib. O, mesajı bir neçə hökumət mənbəyindən aldığını iddia edir.
Paylaşımda deyilir: “Əziz Conas, səkkiz müharibəni dayandırdığım və saydığım üçün ölkənizin mənə Nobel Sülh Mükafatını verməmək qərarına gəldiyini nəzərə alsaq, artıq yalnız sülh haqqında düşünməyə borclu deyiləm – baxmayaraq ki, bu, həmişə prioritet olacaq – və indi Amerika Birləşmiş Ştatları üçün nəyin doğru və faydalı olduğu barədə düşünə bilərəm”.
Norveçin Baş naziri Yonas Qar Stjöre də ABŞ Prezidenti Donald Trampdan məktub aldığını təsdiqləyib. “Dünən günortadan sonra Prezident Trampdan məktub aldığımı təsdiqləyə bilərəm. Bu, həmin gün əvvəl özüm və Finlandiya Prezidenti Aleksandr Stubb adından ona göndərdiyim qısa mesaja cavab idi”, – Stjöre deyib.
O, Norveçin Qrenlandiya məsələsində mövqeyinin dəyişməz qaldığını vurğuladı.