Venesuelanın müvəqqəti lideri Delsi Rodrigez ABŞ prezidenti Donald Trampla telefon danışığı aparıb. O, bu barədə özünün Telegram kanalında bildirib. Onun sözlərinə görə, söhbət “uzun, məhsuldar və nəzakətli” keçib və tərəflər ikitərəfli əməkdaşlıq və ölkələr arasındakı münasibətlərdəki həll olunmamış məsələləri müzakirə ediblər.
Daha sonra Tramp sosial media hesabı olan TruthSocial-da Rodrigezlə “çox yaxşı telefon danışığı” keçirdiyini bildirib. “Venesuelanın sabitləşməsinə və bərpa olunmasına kömək etməkdə böyük irəliləyişlər əldə edirik. Neft, minerallar, ticarət və əlbəttə ki, milli təhlükəsizlik də daxil olmaqla bir çox mövzu müzakirə edildi. Amerika Birləşmiş Ştatları ilə Venesuela arasındakı bu tərəfdaşlıq HƏR KƏS üçün fantastik olacaq. Venesuela tezliklə yenidən möhtəşəm və çiçəklənəcək, bəlkə də əvvəlkindən daha çox!” – deyə ABŞ prezidenti vurğulayıb.