Donald Trampın Rusiyanı aşağılayan son addımları bu ölkədəki ultra millətçiləri, şovinstləri, imperiyaçıları isterika həddinə çatdırıb.
Tacxeber.comxəbər verir ki, “Putinin filosofu” kimi də tanınan və “Rus dünyası”nın ideoloqlarından biri olan Aleksandr Duqin Rusiyanı dünyada “öz hakimiyyətini bərpa etmək üçün “dəhşətli bir şey etməyə” çağırıb.
Duqin öz çağırışını müasir dünyada “yalnız qəddarlıq, güc, kütləvi qırğın və qeyri-insanilik vacibdir” iddiası ilə əsaslandırıb: “Bizim başqa seçimimiz yoxdur. Trampın dünyasında yalnız qəddarlıq, güc, kütləvi qırğın və qeyri-insanilik vacibdir. Ya ilk zərbəni sən endirirsən, ya da ölürsən”.
Bununla da başını itirmiş “Z ictimaiyyətinin” aparıcı nümayəndəsi Putini kütləvi qırğın silahlarına əl atmağa çağırmış olub. (AzPolitika.info)