2025-ci ilin noyabrında Rusiyada Pilotsuz Sistemlər Qoşunları (Войска Беспилотных Систем) yaradılıb. Bir sıra xarici və Rusiya informasiya mənbələri bu günlərdə həmin qoşunlara Yuriy Vaqanovun komandan təyin edildiyini iddia edir. Rəsmi olaraq əmr açıqlanmasa da, məsələ çox əhəmiyyətlidir. Bu yeni yaranan qoşun növünün strateji əhəmiyyəti və faktiki olaraq orada söz sahibinin kimliyi diqqətə alınmalıdır.
Yuriy Vaqanov 1982-ci ildə Dağlıq Qarabağın Stepanakert şəhərində (ind. Xankəndi) anadan olub. Gənc yaşlarında Moskvaətrafına köçüb və orada santexnika avadanlığı satışı müəssisəsi yaradıb. Ukraynada müharibə başlayanadək sırf bu işlə məşğul olub, ona görə indi də “Yura Unitaz” ləqəbi ilə məşhurdur. Keçək mətləbə. 2022-ci ildə FPV-dronların yığılması işinə başlayır və çox qısa müddətdə uğurlar qazanır.
Belə ki bu gün faktiki olaraq Rusiya Ordusunun FPV-dronlarla təchizatında tək monopolistdir. Əlbəttə burada onun RF Müdafiə nazirinin müavini Aleksey Krivoruçko ilə özəl münasibətlərinin də rolunu inkar etmək olar. Amma fakt faktlığında qalır- heç bir hərbi və mühəndis təhsili olmayan, özəl sahibkarlıqdan Rusiya Ordusunu FPV-dronlarla təmin edən, müvafiq operatorların təlimini təşkil edən böyük nüfuz sahibinə şevrilib. Xidmətlərinə görə Y.Vaqanova podpolkovnik hərbi rütbəsi verilib, həmçinin patriarx Kirill tərəfindən “III dərəcəli Dmitriy Donskoy” ordeni ilə təltif edilib.