Rusiya Xarici İşlər Nazirliyinin sözçüsü Mariya Zaxarova bildirib ki, AZAL təyyarəsinin qəzası bir neçə ölkə üçün “ortaq faciə” olub.
Zaxarova faciədən bir il keçdiyini qeyd edərək Qroznıda fəlakət qurbanlarının xatirəsinə ucaldılmış abidənin açılışını elan etdi. O, əsas səbəb kimi “Kiyev rejimi”nin Rusiya mülki infrastrukturuna dron hücumlarını göstərdi.
Rusiya Xarici İşlər Nazirliyi Qazaxıstan komissiyasının Aktau yaxınlığında baş verən faciə ilə bağlı araşdırmasını tezliklə başa çatdıracağına və bundan sonra Rusiya və Azərbaycanın “qalan bütün məsələləri həll edə biləcəyinə” ümid etdiyini bildirib.