İngiltərənin şimalında yerləşən Skarboro şəhərinin sakinləri 2022-ci ilin sonlarında Yeni ilin gəlişinə hazırlaşırdılar. Bu hazırlıqların içində, təbii, atəşfəşanlıq da vardı.
Lakin bu zaman şəhərə gözlənilməz qonaq gəldi – morj. Daha əvvəl Niderland və Fransa, eləcə də Cənubi İngiltərə sahiillərində göründüyü deyilən morj, ehtimal ki, geriyə – doğma Arktikaya qayıdırdı və Skarboroda dincəlməyi qərara almışdı.
Morj dənizsahili körpüdə bir neçə gün istirahət etdi, o cümlədən Yeni ili burada qarşıladı. Qonağın ləngidiyini görən şəhər bələdiyyəsi onun rahatlığını pozmamaq üçün ənənəvi atəşfəşanlığı ləğv etdi.
“Zəhmət olmasa, onun istirahətinə hörmət edin və mümkün qədər narahat etməməyə çalışın, — mütəxəssislər sosial şəbəkələrdə yerli sakinlərə müraciət etdilər. — Morjlar səs-küyü sevmir və ev heyvanlarına öyrəşməyiblər, buna görə də onları qayışda saxlayın və təhlükəsiz məsafəni qoruyun — həm özünüzün, həm də morjun rifahı naminə”.