Sosial şəbəkələrin Azərbaycan seqmentində Tramp haqqında məndən çox yazan adam tapmaq çətindir. Onun şəxsi və siyasi bioqrafiyasından tutmuş, bu gün atacağı addımları illər əvvəl proqnozlaşdırmağa qədər hər mövzunu işıqlandırmışıq.
Bu qədər yazılardan, məqalələrdən sonra sadiq oxucularımı Tramp barədə hansısa mənfi və ya ifşaedici xəbərlə təəccübləndirmək çətindir.. Amma elə xəbərlər olur ki, adamın “gözləri alnına çıxır”.
Xəbəri oxuyun.
Washington Post yazır ki, Ağ Ev “BlackRock”un rəhbəri Larri Finklə Ukraynanın Bərpa Fondu konsepsiyasının yenilənməsi barədə danışıqlar aparır. Bu Fond Dünya Bankının iştirakı ilə Ukraynanın bərpası üçün 400 milyard dollara qədər vəsait cəlb edə bilər.
Buraya qədər hər şey normaldır. Amma davamını oxuyanda…
Nəşrin məlumatına görə, Tramp Rusiyaya da eyni tipli investisiya təşəbbüslərinin işə salınmasında maraqlıdır. Yəni ABŞ prezidenti MÜHARİBƏDƏN SONRA RUSİYAYA İNVESTİSİYALARIN CƏLB EDİLMƏSİ ÜÇÜN BÖYÜK ŞİRKƏTLƏRLƏ DANIŞIQLAR APARIR. Belə hadisəni 2 il qabaq ən qorxulu fantastik yuxuda görmək olmurdu.
Sözün bitdiyi yer məhz budur.