Bloomberg-in məlumatına görə, Rusiyanın Urals markalı xam neftinin qiyməti ötən həftə Novorossiysk limanında iki il yarım ərzində ən aşağı səviyyəyə düşərək barel üçün 36,61 dollara çatıb.
Azalma ABŞ-ın Rosneft və Lukoil şirkətlərinə qarşı sanksiyalarının qüvvəyə minməsindən bir neçə gün əvvəl baş verib (şirkətlərlə əlaqələrin kəsilməsi üçün son tarix 21 noyabrdır).
Agentlik yazır ki, bu, alıcıların ABŞ-ın ikinci dərəcəli sanksiyalarından qorxaraq son dərəcə ehtiyatlı olduqlarını göstərir. Çin, Hindistan və Türkiyədəki bəzi neft emalı zavodları artıq alışları dayandırır və alternativ təchizat mənbələri axtarır.
Məqalədə qeyd olunur ki, dövlət büdcəsinin təxminən dörddə birini təşkil edən Urals markalı xam neftin qiymətinin düşməsi Rusiya büdcəsi üçün vergi gəlirlərində ciddi kəsir yaradacaq.