Halloweenin qlobal miqyasda populyarlaşması insan psixologiyasındakı “təhlükəsiz qorxu” mexanizmi ilə əlaqəlidir. İnsan beyni real təhlükə olmadan qorxunu yaşadıqda dopamin ifraz edir, bu da həzz hissi yaradır. Maskalanma sosial qaydalardan azadlıq, gizli şəxsiyyətin ifadəsi və emosional boşalma imkanı verir. Kütləvi qorxu atmosferi isə kollektiv katarsis yaradır, insanlar birgə qorxub, birgə rahatlayırlar. Məhz bu səbəbdən Halloween təkcə qərbin deyil, bütün dünyanın sevdiyi psixoloji oyun halına gəlib.
Azərbaycanda da buna bənzər ənənə Qodu-qodu mərasimində yaşamaqdadır. Novruz öncəsi uşaqlar qapı-qapı gəzib mahnılar oxuyur, pay toplayır, bir uşaq da “Qodu” obrazında maskalanır. Bu mərasim qışın bitib baharın gəlməsini, bərəkət və birliyi simvolizə edir. Beləcə, Qodu-qodu da Halloween kimi insanların kollektiv emosiyalarını paylaşdığı qədim psixoloji ritualdır.
Bəs siz Halloween qeyd edirsiniz?(Neondertal)