Ukrayna prezidenti Vladimir Zelenski müharibənin Ukrayna üçün müsbət nəticə verəcəyi təqdirdə, üçtərəfli görüşdə iştirak etməyə hazır olduğunu bildirib.
Tacxeber.com xəbər verir ki, Lb.ua-nın verdiyi məlumata görə, brifinq zamanı Zelenski vurğulayıb ki, onun üçün önəmli olan danışıqların formatı və yeri deyil, onların nəticəsidir:
“Cənab Vitkoffla Parisdə danışanda mən dedim ki, məsələ Macarıstanda deyil, onun rəhbəridir, o, Ukrayna üçün hər şeyi əngəlləyir. Nəticələr olarsa, elə də olsun, danışıqlar istənilən yerdə aparılsın”, – o qeyd edib.
O əlavə edib ki, Kiyev müharibəni dayandırmağa kömək edəcəyi təqdirdə görüşə hazırdır:
“Əgər üçtərəfli görüş müharibənin sona çatması ilə bağlıdırsa, biz hər yerə getməyə hazırıq. Sadəcə Rusiya və ya Belarusda deyil”.