İsrail bəyan edib ki, Qəzzədə “Sabitlik Qüvvəsi” ilə bağlı danışıqlarda Türkiyənin iştirakını istəmir.
İsrail mənbəsi bildirib: “Türkiyə HƏMAS-ı tərksilah edəcək strukturun bir hissəsi ola bilməz. Onun iştirakı bütün prosesi sarsıdacaq.”
İsrail QƏS ölkələrindən – BƏƏ, Qətər və Bəhreyn kimi “mötədil” dövlətlərin sülhməramlı qüvvədə yer almasına etiraz etmir, çünki onların ciddi hərbi gücü yoxdur. Lakin Türkiyənin iştirakına qəti şəkildə qarşı çıxır.
Qeyd olunur ki, Türkiyə açıq şəkildə HƏMAS-ı dəstəkləyir və prezident Rəcəb Tayyib Ərdoğan ilə “Müsəlman Qardaşları” hərəkatı arasında ideoloji yaxınlıq mövcuddur.
Türkiyənin iştirakına təkcə İsrail deyil, Misir də qarşı çıxır.
Misir qorxur ki, Türkiyə onun birbaşa təhlükəsizlik zonası hesab etdiyi regionda təsir imkanlarını artırsın.