Azərbaycan hökuməti uzun müddətdir quru sərhədləri bağlı saxlayır və bu qərar cəmiyyətdə artıq ciddi narazılıq doğurur. Rəsmi səbəb kimi təhlükəsizlik və COVİD19 göstərilsə də, əslində bu addım insanların azad hərəkətini məhdudlaşdırmaq, “AZAL” vasitəsi ilə milyardlar qazanmaq məqsədi güdür. Quru sərhədlərinin bağlı qalması onminlərlə vətəndaşın iş, təhsil və ailə səbəbindən ölkədən çıxışını çətinləşdirir. Bu vəziyyət həm iqtisadi, həm də sosial sahədə durğunluq yaradıb. İnsanlar artıq hökumətdən aydın və ədalətli izahat tələb edirlər, çünki sərhədlərin bağlı qalması bir dövlət siyasəti yox, xalqın azadlığının məhdudlaşdırılması məqsədi daşıdığını indi bu ölkədə qundaqdakı körpə də aydın şəkildə görür.
