HƏMAS bütün İsrail girovlarını azad etməyə razılaşıb, lakin ölülərin cəsədlərinin təhvil verilməsini hələ lazımi şərait yaradılana qədər təxirə salır. Bu barədə Al Jazeera nəşri mənbəyə istinadla məlumat verib.
Bundan əlavə, jurnalistlərin məlumatına görə, danışıqlar çərçivəsində İsrail və HƏMAS arasında mübadilə məsələləri və Qəzza sektorunda müharibənin yenidən başlamayacağına dair təminatlar üzrə irəliləyiş əldə olunub.
Danışıqlardakı vasitəçilər HƏMAS və Tel-Əvivdən münaqişənin həlli üzrə məsləhətləşmələri ən geci 10 oktyabr, cümə gününə qədər başa çatdırmağı tələb ediblər.
Qeyd edək ki, İsrail və HƏMAS nümayəndə heyətləri arasında dolayı danışıqlar 6 oktyabr bazar ertəsindən Misirdə keçirilir. Danışıqlar çərçivəsində tərəflər ABŞ prezidenti Donald Trampın Qəzza sektorunda münaqişənin həlli planını müzakirə edirlər.